ராஜீவ் காந்தி கொலை வழக்கில் இருந்து தன்னை விடுவிக்க கோரி பேரறிவாளன் தாக்கல் செய்த மனு உச்ச நீதிமன்றத்தில் இன்று மீண்டும் விசாரணை; பெரும் எதிர்பார்ப்பு.!!

முன்னாள் பிரதமர் ராஜீவ் காந்தி கொலை வழக்கில் சிறையில் உள்ள எழுவரை விடுவிப்பதில் உச்ச நீதிமன்றம் உத்தரவிட்டும், தமிழக சட்டப்பேரவையில் தீர்மானம் நிறைவேற்றியபோதும், நீண்ட காலமாக இழுபறி நீடித்து வருகிறது. இதனிடையே, தன்னை முன்கூட்டியே விடுதலை செய்யக் கோரி உச்ச நீதிமன்றத்தில் பேரறிவாளன் வழக்கு தொடர்ந்தார். அந்த வழக்கு விசாரணையின் போதே பேரறிவாளன் தனக்கு ஜாமீன் கோரி மனுத்தாக்கல் செய்தார்.அவருக்கு ஜாமீன் தர மத்திய அரசு கடுமையாக எதிர்ப்பு தெரிவித்தபோதும், அவருக்கு ஜாமீன் வழங்கி உச்ச நீதிமன்றம் உத்தரவிட்டது. இந்த வழக்கின் இறுதி விசாரணை உச்ச நீதிமன்றத்தில் நடைபெற்று வருகிறது. கடந்த முறை வழக்கு விசாரணைக்கு வந்த போது, பேரறிவாளனை விடுதலை செய்வது தொடர்பாக இதுவரை ஏன் முடிவெடுக்கவில்லை என்றும், பேரறிவாளனை விடுதலை செய்வது தொடர்பாக முடிவெடுக்க கால தாமதம் ஏன் என்றும் உச்ச நீதிமன்ற நீதிபதிகள் கேள்வி எழுப்பினர்.அத்துடன், பேரறிவாளன் விடுதலை தொடர்பாக நீங்கள் முடிவெடுக்கவில்லை என்றால் நாங்களே முடிவை அறிவிக்க வேண்டியதிருக்கும் என்று தெரிவித்த உச்ச நீதிமன்ற நீதிபதிகள், மத்திய அரசு வரும் செவ்வாய்க்கிழமைக்குள் முடிவெடுக்காவிட்டால் அரசமைப்பின்படி உச்ச நீதிமன்றமே முடிவு எடுக்கும் என்றும் தெரிவித்தனர்.

Leave a Reply

Your email address will not be published. Required fields are marked *