“மதம் மாறிய ஆதி திராவிட சாதிச் சான்றிதழ் செல்லாது” தேசிய ஆதி திராவிடர் ஆணைய துணைத் தலைவர் தகவல்.!

சென்னை: தேசிய ஆதி திராவிடர் ஆணைய துணைத் தலைவர் அருண் ஹல்தார் சென்னையில் செப்டம்பர் 6 நிருபர்களுக்கு பேட்டி அளித்தார். அப்போது அவர் கூறியதாவது தேசிய ஆதி திராவிடர் ஆணையத்திற்கு தமிழகத்தில் இருந்து கடந்த ஒன்றரை ஆண்டுகளில் 200 புகார்கள் வந்துள்ளன. இதில், 100 வழக்குகள் விசாரிக்கப்படுகின்றன. இதில் 60 வழக்குகளுக்கு தீர்வு காணப்பட்டுள்ளது. ஆதி திராவிட மக்களுக்கு எதிரான வன்முறையில் ராஜாக்கள் முதலிடத்திலும், தமிழ்நாடு இரண்டாவது இடத்திலும் உள்ளது.தமிழகத்தில் பல இடங்களில் ஆதி திராவிட மக்கள் சுடுகாடு செல்ல தனிப் பாதை உள்ளது. இது கண்டிக்கத்தக்கது. இது தொடர்பாக சமீபத்தில் புகார் எழுந்ததையடுத்து, சம்பந்தப்பட்ட கிராமத்துக்கு நேரில் சென்று ஆய்வு நடத்தப்பட்டது. அனைவருக்கும் ஒரே வழிப்பாதை அமைக்க மாவட்ட நிர்வாகத்துக்கு உத்தரவிடப்பட்டது. இது குறித்து அரசு மக்களுக்கு விழிப்புணர்வு ஏற்படுத்த வேண்டும். ஆதி திராவிட சாதியை சேர்ந்தவர்கள் மதம் மாறும்போது தானாகவே ஆதி திராவிட சாதியை விட்டு வெளியே வந்து விடுவார்கள். மதம் மாறிய பிறகும் அவர்கள் ஆதிதிராவிடர் வகுப்பைச் சேர்ந்தவர்கள் என்று சாதிச் சான்றிதழ் வைத்திருந்தால் அது செல்லாது. மதம் மாறியவர்களுக்கு ஆதி திராவிட வகுப்பு சான்றிதழ் வழங்கினால் அது போலி சான்றிதழ்இது தொடர்பாக ஆணையத்துக்கு தொடர்ந்து பல புகார்கள் வந்த வண்ணம் உள்ளன. போலி சான்றிதழ் வழங்கும் அதிகாரிகள் மீது நடவடிக்கை எடுக்க மாவட்ட நிர்வாகத்துக்கு உத்தரவிடப்பட்டுள்ளது. மாவட்ட அளவில் குழு அமைத்து சரிபார்க்கவும் அறிவுறுத்தப்பட்டுள்ளதாகவும் தெரிவித்தார்.

Leave a Reply

Your email address will not be published. Required fields are marked *