திருப்பூர் பகுதியில் நகைக்கடையில் 3 கிலா தங்க நகைகள் திருடப்பட்ட வழக்கில் வட மாநிலத்தைச் சேர்ந்த 4 பேர் கைது செய்யப்பட்டுள்ளனர்.
திருப்பூா் புதுராமகிருஷ்ணபுரத்தைச் சோ்ந்தவா் ஜெயகுமாா் (45). இவா் திருப்பூா் யூனியன் மில் சாலையில் நகைக் கடை மற்றும் நகை அடகுக் கடையும் நடத்தி வருகிறாா். இந்தக் கடையின் பின்புறம் உள்ள வீட்டில் வசித்து வந்த ஜெயகுமாா் கடந்த சில நாள்களுக்கு முன்பாக வீட்டைக் காலி செய்துள்ளாா்.
இதனிடையே, ஜெயகுமாா் வழக்கம்போல வியாழக்கிழமை இரவு கடையைப் பூட்டி விட்டு வீட்டுக்குச் சென்றுள்ளாா். பின்னா் வெள்ளிக்கிழமை காலை கடையைத் திறந்து பாா்த்தபோது கடையில் இருந்த 3 கிலோ தங்கம், 9 கிலோ வெள்ளி, ரூ.25 லட்சம் ரொக்கம் ஆகியவை திருடப்பட்டது தெரியவந்தது. இது தொடா்பாக ஜெயகுமாா் கொடுத்த தகவலின்பேரில் திருப்பூா் வடக்கு காவல் துறையினா் சம்பவ இடத்தில் விசாரணை நடத்தினா்.
இந்தத் திருட்டு தொடா்பாக திருப்பூா் மாநகரக் காவல் ஆணையா் ஏ.ஜி.பாபு உத்தரவின்பேரில் துணை ஆணையா் அரவிந்த் மேற்பாா்வையில் 3 தனிப்படைகள் அமைக்கப்பட்டு விசாரணை நடத்தி வருகின்றனா்.
இந்த நிலையில், நகைக்கடை மற்றும் அருகில் உள்ள வீடுகளில் பொருத்தப்பட்டிருந்த கண்காணிப்பு கேமராப் பதிவுகளை ஆய்வு செய்தபோது 4 பேரும் உருவம் பதிவாகியிருந்தது. இதனிடையே, திருப்பூா் ரயில் நிலையத்தில் உள்ள கண்காணிப்பு கேமராவிலும் அதே 4 பேரின் உருவம் பதிவாகியுள்ளது. இந்த 4 பேரும் நகை அடகுக்கடையில் திருடிய நகைகளை மூட்டையாகக் கட்டி எடுத்துக் கொண்டு ரயிலில் தப்பிச் சென்றுள்ளனா்.
ஆகவே, இந்தத் திருட்டில் ஈடுபட்ட நபா்கள் வடமாநிலத்தைச் சோ்ந்தவா்களா அல்லது உள்ளூா் நபா்களா என்பது குறித்தும், அவா்கள் எங்கு தப்பிச் சென்றனா் என்பது குறித்தும் தனிப்படையினா் விசாரணை நடத்தி வருகின்றனா். இந்த நிலையில் திருப்பூர் பகுதியில் நகைக்கடையில் 3 கிலா தங்க நகைகள் திருடப்பட்ட வழக்கில் வட மாநிலத்தைச் சேர்ந்த 4 பேர் கைது செய்யப்பட்டுள்ளனர்.
பிகாரைச் சேர்ந்த மஹ்தாப், பத்ருல், திலாகாஸ், முகமது சுப்ஹான் ஆகியோர் மகாராஷ்டிரத்தில் கைது செய்யப்பட்டுள்ளனர். கைதானவர்கள் நாக்பூர் நீதிமன்றத்தில் ஆஜர்படுத்தப்பட்டு விசாரணைக்காக தமிழகம் அழைத்து வரப்படவுள்ளனர்