காய்கறிகளுக்கு உரிய விலை கிடைக்க அவற்றை ஏற்றுமதி செய்ய மத்திய மாநில அரசுகளை வலியுறுத்தி விவசாயிகள் போராட்டம்.!

திருப்பூர்:வெங்காயம் மற்றும் காய்கறிகளுக்கு உரிய விலை கிடைக்க அவற்றை ஏற்றுமதி செய்ய மத்திய மாநில அரசுகளை வலியுறுத்தி திருப்பூரில் விவசாயிகள் போராட்டத்தில் ஈடுபட்டனர். கட்சி சார்பற்ற தமிழக விவசாயிகள் சங்கத்தினர் திருப்பூர் மாவட்ட ஆட்சியர் அலுவலகம் முன்பு வெங்காயத்தை தரையில் கொட்டி ஒப்பாரி வைத்து கவனயீர்ப்பு ஆர்ப்பாட்டத்தில் நடத்தினர்.தமிழகத்தில் கோவை, திருப்பூர், ஈரோடு, கரூர், திண்டுக்கல், தேனி உள்ளிட்ட மாவட்டங்களில் பல லட்சம் ஏக்கர் நிலங்களில் வெங்காயம் சாகுபடி செய்யப்படுகிறது. அவ்வாறு சாகுபடி செய்யப்படும் வெங்காயத்திற்கு தற்பொழுது உரிய விலை கிடைக்காமல் விவசாயிகள் வாழ்வாதாரம் கேள்விக்குறியாகி உள்ளது. தற்போதைய சூழலில் வெங்காயம் கிலோ ரூ.8 விலை உள்ளதால் விவசாயிகள் பெரும் நஷ்டத்திற்கு ஆளாகி வருகின்றனர்.இதனால் விவசாயிகளுக்கு கடன் சுமை அதிகரித்து வருகிறது, மேலும் சாகுபடிக்கு தேவையான விதை உரம் போன்ற இடுபொருட்களின் விலை அதிகரித்துள்ளதால் விவசாயிகள் பெரும் சிரமத்திற்கு ஆளாகி வருகின்றனர். எனவே சிவசுப்பிரமணியம் கமிட்டியின் அறிக்கையின் படி விவசாய பொருட்களுக்கு உரிய விலை கிடைக்க மத்திய மாநில அரசுகள் நடவடிக்கை எடுக்க வேண்டும் எனவும், வெங்காய விலை உச்சத்தில் இருந்தபோது மத்திய அரசு வெங்காயத்தை இறக்குமதி செய்ய அனுமதி அளித்தது, அதேபோல் வெங்காய விலை தற்போது வீழ்ச்சி அடைந்துள்ள நிலையில் வெங்காயத்தை ஏற்றுமதி செய்யவும் மத்திய அரசு அனுமதி அளிக்க வேண்டும்.அதேபோல் மாநில அரசு வெங்காயத்தை கூட்டுறவுத்துறை மூலம் குறைந்த பட்ச விலையாக 40 ரூபாய்க்கு கொள்முதல் செய்ய வேண்டும் என்பது உள்ளிட்ட கோரிக்கைகளை வலியுறுத்தி கட்சி சார்பற்ற விவசாயிகள் சங்கத்தினர் திருப்பூர் மாவட்ட ஆட்சியர் அலுவலகம் முன்பு வெங்காயத்தை தரையில் கொட்டியும், ஒப்பாரி வைத்தும் கவனயீர்ப்பு ஆர்ப்பாட்டத்தில் ஈடுபட்டனர்.

Leave a Reply

Your email address will not be published. Required fields are marked *